به‌مبه‌ستى زیاتر پاراستنى ئارامى شار له‌رۆژی هه‌ڵبژارندا عه‌لی ره‌ئوف قائمقامى چه‌مچه‌ماڵ له‌گه‌ڵ نوێنه‌رى لیست و قه‌واره‌و پارته‌سیاسیه‌كانى سنورى قه‌زاى چه‌مچه‌ماڵدا كۆبۆیه‌وه‌و داواى كرد هه‌موولایه‌ك هه‌ولی پاراستنى ئارامى شار بده‌ن .
قائمقامى چه‌مچه‌وماڵ ووتى ئێمه‌ له‌به‌رده‌م پرِۆسه‌یه‌كى یه‌كجار گرنگ و مێژویی داین و چاوى هه‌موودنیامان له‌سه‌ره‌و ئه‌ركى سه‌رشانمانه‌ ئارامى ئه‌م پرِۆسه‌یه‌ بپارێزین و رێگه‌نه‌ده‌ین كێشه‌و گرفت دروست ببێت .
قائمقامى چه‌مچه‌ماڵ باسی له‌وه‌شكرد ته‌نیالیستێك یان لایه‌نێك ناتوننێت به‌ته‌نیا ئارامى پرِۆرسه‌كه‌ ببپارێزێت به‌ڵكو پێویسته‌ له‌سه‌ر هه‌موومان  خۆمان به‌به‌رپرس بزانین و كێشه‌ى بچوك گه‌وره‌نه‌كه‌یه‌نه‌وه‌ .
راشیگه‌یاند ئیداره‌ى قه‌زاى چه‌مچه‌ماڵ لیژنه‌یه‌كى ئه‌منى پێكهێناوه‌و بیلایه‌نانه‌ كار ده‌كات و له‌رۆژی هه‌ڵبژاردنیشدا پلانى تایبه‌تى هه‌یه‌و هه‌موو رێوشوێنێكى گرتۆته‌ به‌ر .
دواى ئه‌وه‌ش نوێنه‌رى قه‌واره‌ سیاسیه‌كان هه‌ریه‌كه‌و بۆچونى خۆی له‌سه‌ر سه‌رخستنى پرِۆسه‌ى ده‌نگدان خسته‌ روو هه‌موو لایه‌كیش هاورِابوون له‌وه‌ى ده‌بێت لایه‌نه‌كان به‌رپرسانه‌ مامه‌ڵه‌ بكه‌ن و پشتگیری كه‌سانى ئاژاوه‌ چی نه‌كه‌ن و كێشه‌و بچوكه‌كان نه‌گۆرِن به‌كێشه‌ى گه‌وره‌ .
له‌كۆبونه‌وه‌كه‌دا نوێنه‌رى هه‌ریه‌ك له‌یسته‌كانى
هاوپه‌یمانى كورستان
گۆرِان
یه‌كگرتوو
كۆمه‌ڵی ئیسلامى
پارته‌كانیش هه‌ریه‌ك له‌ یه‌كێتى و پارتى و گۆرِان و سۆشیالیت و شیوعى و كۆمه‌ڵی ئیسلامى و یه‌كگرتووى ئیسلامى و زه‌حمه‌تكێشان  ئاماده‌بوون