عه‌لى ره‌ئوف قائمقامى چه‌مچه‌ماڵ له‌دیوانى قائمقامییه‌ت رۆژى 13/2/2010 پێشوازى كرد له‌ عه‌قید ناسح ئه‌حمه‌د به‌رێوبه‌رى پۆلیسی هاتوچۆى گه‌رمیان و وه‌فیدێكى هاورِێی كه‌ پێكهاتبوون له‌ چه‌ند ئه‌فسه‌رێكى به‌رِێوبه‌رایه‌تیه‌كه‌ .
له‌كۆبونه‌وه‌یه‌كدا كه‌ موقه‌ده‌م لوقمان حه‌سه‌ن به‌رێوبه‌رى پۆلیسی هاتوچۆى چه‌مچه‌ماڵ ئاماده‌ى بوو  , قائمقانى چه‌مچه‌ماڵ خۆشحاڵی خۆى به‌سه‌ردانه‌كه‌ی به‌رێوبه‌رى هاتوچۆى گه‌رمیان نیشاندا و ئاماژه‌ى كرد به‌رۆڵى پۆلیسی هاتوچۆ له‌رێكخسته‌نه‌وه‌ى ژیانى رۆژانه‌و كار ئاسانى كردن بۆهاولاَتیان له‌روى هاتوچۆو سه‌لامه‌تى ژیانه‌وه‌ .
دواى ئه‌وه‌ش به‌رێوبه‌رى هاتوچۆى گه‌رمیان  ئاماژه‌ى به‌وه‌كرد ئامانجى سه‌ردانه‌كه‌ى بۆ چه‌مچه‌ماڵ له‌نزیكه‌وه‌ ئاگادرابوونه‌ له‌بارودۆخى قه‌زاكه‌ به‌تایبه‌ت پۆلیسی هاتوچۆ و ووتى ئێستا هاتوچۆى چه‌مچه‌ماڵ  له‌سه‌ر به‌رِێوبه‌رایه‌تى هاتوچۆى گه‌رمیانه‌و  ئێمه‌ هه‌وڵ ده‌ده‌ین هه‌موو هاوكارییه‌كیان بكه‌ین و رێگه‌ نه‌ده‌ین كاروبارى هاولاَتیانى چه‌مچه‌ماڵ له‌و روه‌وه‌ په‌كى بكه‌وێت .
قائمقامى چه‌مچه‌ماڵ داواى كرد  ده‌سه‌لاَتى زیاتر بدرێته‌ بنكه‌ى هاتوچۆى چه‌مچه‌ماڵ بۆئه‌وه‌ى پێویست نه‌كات بۆ مامه‌ڵه‌یه‌ك رێگایه‌كى دوور ببرِن و سه‌ردانى گه‌رمیان بكه‌ن