له‌گوندی شۆراوه‌ی سه‌ربه‌ناحیه‌ی ته‌كیه‌ی كاكه‌مه‌ند ئه‌مرۆ 28/1/2010 ژن و پیاوێك به‌ناوه‌كانی كامیل فاتیح عه‌لی ته‌مه‌ن 40ساڵ و قه‌درییه‌ حه‌یده‌ر ئه‌مین ته‌مه‌ن 34 ساڵ ده‌كوژرێن
سه‌نته‌ری ریكخه‌ری په‌یوه‌ندییه‌كان له‌چه‌مچه‌ماڵ رایگه‌یاند میردی ژنه‌كه‌ كه‌ناوی كامیله‌ ده‌ستكاری چه‌كی كردووه‌و پاكیكردۆته‌وه‌ به‌ڵام فیشه‌كێك له‌ده‌ستی ده‌رچووه‌و هاوسه‌ره‌كه‌ی خۆی كوشتووه‌ دوای ئه‌و روداوه‌ش ده‌ست به‌جێ خۆی كوشتوه‌ .
ئاماژه‌ی به‌وه‌شكرد دواتر ته‌رمه‌كه‌یان ره‌وانه‌ی پزیشكی دادوه‌ری كراوه‌و لێكۆڵینه‌وه‌ش له‌روداوه‌كه‌ ده‌ستی پێكردووه‌ به‌ڵام هیچ كه‌سێك به‌و بۆنه‌یه‌وه‌ ده‌ستگیرنه‌كراوه‌
راشیگه‌یاند ئه‌و ژن و پیاوه‌ 6 منداڵیان له‌پاش جێًماوه‌ یه‌ك كوڕو پێنج كچ